ललितपुर प्याब्सनले चलायो स्मार्ट ग्रुपको विषयगत तालिम, हेर्नुहोस् भिडियो सहित

ललितपुर प्याब्सनले स्मार्ट ग्रुपबाट सिकाई सहजीकरण थालेको छ । त्यसका लागि शनिबार ललितपुरको एआइटियम कलेजमा विषयगत तालिम समेत सञ्चालन गरेको छ । १२ वटा विद्यालय मिलेर खोलिएको स्मार्ट ग्रुपबाट पाठ्यक्रम र विषयगत तालिम संचालन भएको ललितपुर प्याब्सनले जनाएको छ । ललितपुर प्याब्सनका सचिव सुन्दर श्रेष्ठका अनुसार तालिममा करीब ३,४ सय शिक्षक शिक्षिकाहरुको उपस्थितिमा तालिम संचालन भएको हो । विभिन्न विषय विज्ञहरुको सहजीकरणमा संचालन भएको सो तालिममा शिक्षा तथा समन्वय इकाई प्रमुख निमप्रकाश सिंह राठोरले शुभकामना मन्तव्य राख्नु भएको थियो । ५ घन्टे तालिममा सहभागीहरुलाई प्रमुख राठौरको प्रमाणपत्र प्रदान गरिएको थियो । स्मार्ट ग्रुपमा आवद्ध विद्यालयले आफ्ना शिक्षक शिक्षिकाहरुको दक्षता अभिवृद्धिका लागि अभिमुखीकरण तालिम सञ्चालन भएको स्मार्ट ग्रुपका अध्यक्ष रविन शर्माले बताए । ललितपुर प्याब्सनका सचिव सुन्दर श्रेष्ठले स्मार्ट ग्रुप मातहतका विद्यालयका विद्यार्थीहरुलाई एकै किसिमको परीक्षा प्रणाली लागू गरिएको छ ।