गोरखाको धार्चे गाउँपालिका वडा नं १ हुल्चुकमा आगलागी हुँदा दुई जनाको मृत्यु भएको छ ।
मृत्यु हुनेमा ७८ बर्षीया कान्छी गुरुङ र उनका ३९ बर्षका छोरा चनारसिंङ गुरुङ भएको जिल्ला प्रहरी कार्यालय गोरखाले जनाएको छ । आगलागीबाट घरभित्र भएका सबै सामानहरु जलेर नष्ट भएका छन् । हुल्चुक दुर्गम गाउँमा भएकोले र घटना रातिको भएपनि प्रहरीलाई बिहानमा मात्र खबर आएकोले प्रहरीको टोली घटनास्थल पुगेर आगलागीबारे विवरण लिइरहेको जिल्ला प्रहरी कार्यालय गोरखाले जनाएको छ ।
प्रहरीका अनुसार आगलागीको कारण यकिन भएको छैन् । मृतकको शव घटनास्थलमै रहेको छ । प्रहरीले अनुसन्धान थालेको छ।
