सिर्जनशिल श्रष्टा सम्मान भन्दै काव्य म्यूजिकले वरिष्ठ एरेन्जर विष्णु तामाङलाई सम्मान अवार्ड प्रदान गरेको छ । गीत सिर्जनाको सम्पूर्ण हात एरेन्जरको रहने भन्दै तामाङको उत्कृष्ठ भूमिका रहेकाले काव्य म्यूजिकले यस वर्षको अवाड प्रदान गरेको हो।
नायकको अवार्ड भने सन्दीप ठकुरीले पाए । नवोदित गायिकाको अवार्ड सलिना मोक्तान प्राप्त गरे ।
कार्यक्रम संयोजक समेत रहेका रमेश श्रेष्ठले न्युजकिरण डटकम अनलाइन खबरसँगको कुराकानीमा भने ; हामीले पहिलो पटक यो पुरस्कार विष्णु तामाङलाई दिएका हौँ । प्रमुख अतिथि अमन मास्के रहेको सो कार्यक्रममा वरिष्ठ लोक गायक शिवनारायण जोशीको पनि आतिथ्यता रहेको थियो।
चर्चित कलाकार सरोज लामिछाने,गायक उदव घिमिरे,नायक शिशिर बूढाथोकी तथा निर्देशक निरन श्रेष्ठ लगायत थुप्रै कलाकारको उपस्थितिमा कार्यक्रम सम्पन्न भएको थियो ।
आइतबार राष्ट्रिय नाचघरमा भएको कार्यक्रम निकै उत्साहपूर्ण रहेको नवोदित गायिका सलिना मोक्तानले बताइन् । कार्यक्रम सक्नु अघि फोटो सेसन पनि गरिएको थियो ।
कार्यक्रमबारे जानकारी गराउँदै रमेश श्रेष्ठ
