श्रीमान श्रीमतीबीचका केही यस्ता कुरा हुन्छन्, जसमा धेरै गोपनीयता अपनाउनुपर्ने पर्छ। यदि त्यस्ता कुरा एकअर्कासँग साझेदार गर्दा सम्बन्धमा बलियोपन होइन, दरार हुन आउँछ अरू खराब हुने भय पनि रहन्छ । के हो त त्यस्ता कुरा, जो दम्पतीले एकअर्कासँग लुकाउनैपर्छ । अरुलाई भन्नै नहुने गोप्य कुराहरु:
१.अरुसँग तुलना गर्न हुँदैन:
श्रीमान् वा श्रीमतीमा एकअर्काप्रति केही अपेक्षा त हुन्छन नै । तर उसले जस्तो भनेर आफ्ना पार्टनरलाई अरूसँग तुलना गर्नु उचित हुँदैन । तपाईंले आफ्ना पार्टनरमा कतिपय कमी, कमजोरी भेटिएको भएपनि अरू व्यक्तिसँग तुलना गर्दै उक्त कमी कमजोरीमाथि टिप्पणी गर्दा त्यसले तपाईंहरूमा एकअर्काप्रतिको आशा र भरोसा टुट्न सक्छ। संसारमा सबै मान्छे आफैँमा पूर्ण हुँदैनन् । सबैको केही सवल पक्ष र केही कमजोरी हुन्छन्। आफ्नो पार्टनरमाथि खोट देखाउने कुरा पनि त्यति उचित हुँदैन । यस्ता कुरामा मौन बसेकै राम्रो हो।जस्तै: फलानाको यस्तो छ उस्तो छ…।
२.अपमानको कुरा:
यदि आफूमाथि अपमान भएको कुरा पनि दम्पतीले एकअर्कामा साझेदार गर्न आवश्यक छैन । यस्ता कुराले आफ्ना पार्टनरलाई अरू बढी दुःखी बनाउन सक्छ । हीनताबोध पैदा गर्न सक्छ । त्यसैले आफूमाथि कुनै अपमान भएमा त्यसलाई साझेदारी गरिरहनु पनि उचित हुँदैन ।जस्तै:कमाएर ल्याएको दिन खुसीले गदगद नत्र तिमीले के नाप्यौ र..?..आदि ।
३.अर्काको चरित्र हत्या गर्नु:
श्रीमान् वा श्रीमतीले अर्काको चरित्रलाई लिएर पनि नकारात्मक टिप्पणी गर्नु उचित हुँदैन । चाहे घरका सदस्य होस् वा छिमेकी, साथीभाइ होस् वा कार्यालयका सहकर्मी। उनीहरूको चरित्रलाई लिएर नकारात्मक टिप्पणी गर्नु आफैँमा खराब प्रवृत्ति हो । त्यसैले आफूले अर्काको चरित्रमाथि औँला उठाइरहँदा पार्टनरमा आफूलाई हेर्ने दृष्टिकोण नै खराब बन्न सक्छ ।जस्तै:तिमी अर्को केटाको पछि लाग्यौ तिमी अर्को केटीको पछि लाग्यौ….?
४.अरुको कुरा साझेदारी गर्नु : अर्काको चरित्र हत्या हुने किसिमको टीकाटिप्पणी गर्नु र अरुको कुराको साझेदारी गरिरहनु उचित हुँदैन । परिवारका सदस्य, छिमेकी, साथीभाइको व्यक्तिगत चरित्र कस्तो छ भन्ने कुरा दम्पतीबीच साझेदार गर्नु जरुरी पनि छैन । बरु अरूको चरित्रबारे चर्चा गरेर समय खर्च गर्नुभन्दा आफ्नै घर व्यवहारको कुरा गर्नु, समस्यालाई समाधान गर्नका निमित्त तयार हुनु उचित हुन्छ ।जस्तै:उसको बिहे भएछ,विदेश गएछ,घर बनाएछ वा यसको त यो सँग हिमचिम बढन थालेछ नी …?
५.आफ्नै परिवारको नराम्रो कुरा:
श्रीमान् वा श्रीमतीले आफ्नो परिवारको नकारात्मक कुरा गर्नु उचित हुँदैन । परिवारका सदस्यहरूको गल्ती, कमजोरी औंल्याउने, टिप्पणी गर्ने, परिवारको मान९मर्यादामा आँच आउने कुराहरू गर्ने बानी राम्रो होइन। परिवारभित्रका कुराहरू सकेसम्म गोप्य राख्नुपर्छ । परिवारका सदस्यहरूको गल्ती कमजोरी औँल्याउने र त्यसमाथि नकारात्मक टिप्पणी गर्ने बानीले दाम्पत्य सम्बन्धलाई धरापमा पार्न सक्छ। जस्तै:अरुकोले राम्रो प्रगति
गरिसके हाम्रो त केही गर्न सक्दैनन ….?
६.सहयोग गरेको कुरा:
मानौं आफन्त, छिमेकी, साथीभाइलाई तपाईंले केही सहयोग गर्नुभयो । आर्थिक सहयोग हुन सक्छ, भौतिक सहयोग हुन सक्छ । यस्ता कुरा पनि पार्टनरलाई बताउनु उचित हुँदैन । किनभने सहयोग भनेको हार्दिकताका साथ खुला हृदयले गर्ने हो । यसरी कसैलाई सहयोग गरिन्छ भने त्यसलाई प्रचार गरिरहनु आवश्यक छैन । जस्तै:आपत विपतमा अपरिचित मान्छेले पनि सकारात्मक सोचले सहयोग गर्न सक्छ,सानो सहयोगले कहिलेकाहिँ ठुलो सहयोग गरिरहेको हुन्छ?
