नियमित सेक्स(यौनसम्पर्क) का फाइदाहरु जानीराखौं

सेक्स(यौनसम्पर्क)बाट ब्लड प्रेसर कम हुन्छ र कोलस्ट्रोलमा पनि सुधार आउँछ । एक सर्वेका अनुसार नियमित यौन सम्पर्कबाट मुटुरोगको सम्भावना पनि कम रहन्छ भने राम्रोसँग गरिने यौन सम्पर्कले मानसिक तनाव पनि कम हुन्छ ।

जो व्यक्ति नियमित यौन सम्पर्क गर्छ उ बिरामी हुने सम्भावना निकै कम हुन्छ । नियमित यौन सम्पर्कले मानिसलाई शारीरिक रुपमा फिट रहन मद्दत गर्नुका साथै दिमागी क्षमता पनि बढाइदिने विभिन्न अनुसन्धानहरुले प्रमाणित गरिसकेको छ ।

नियमित यौन सम्पर्क गर्दाका फाइदाहरु

– यौन सम्पर्कले काम इच्छालाई बढाएर फिट राख्छ

यौन सम्पर्कले केवल तपाईंलाई आनन्द मात्र दिँदैन यसले महिलालाई यौन सम्पर्कका बेला रक्तसंचार बढाएर शारीरिक रुपमै फिट राख्न मद्दत गर्छ ।

– यौन सम्पर्कले इम्युन सिस्टम बढाउने काम गर्छ

पछिल्लो एक अनुसन्धानका अनुसार यौन सम्पर्क गर्नुपूर्व व्यायाम गर्नाले तपाईंको स्वास्थ्यमा सकारात्मक असर पर्छ । त्यसका साथै तपाईं आफूलाई ताजा र स्वस्थ–स्फुर्त महसुस गर्नुहुन्छ ।

यौन सम्पर्कले इम्युन सिस्टमलाई बढाउने भएकाले रोग लाग्ने सम्भावना कम रहन्छ ।

– यौन सम्पर्कले हृदयघातको समस्याबाट बचाईराख्न मद्दत गर्छ

यौन सम्पर्क गर्दै गर्दा तपाईको हृदय सम्पूर्ण रुपले प्रफुल्ल भए सबै कोष कोषमा रक्तसंचार हुने भएकाले यस्ले हृदयघातको सम्भावना कम गर्दछ । प्राप्त जानकारी अनुसार हप्तामा दुई पटक यौनसम्पर्क गर्नाले हृदयघातको सम्भावना कम हुन्छ ।

– महिलाहरुमा मुत्राशय नियन्त्रणमा सहयोगी

यौन सम्पर्क महिलाहरुलाई कयौं कुरामा फाइदाजनक हुन्छ । यौन सम्पर्कको बेला महिलाले ओर्गाम्ज पूर्णरुपमा हासिल गर्दछन् जसबाट उनका मांसपेशीहरु मजबुत गर्नमा सहयोग गर्दछ ।

– यौन सम्पर्कले उच्च रक्तचापलाई कम गर्छ

यौन सम्पर्क र रक्तचापमा आपसी सम्बन्ध हुने गरेको पाइएको छ । यसले मानिसको रक्ताचापलाई सन्तुलनमा ल्याउन ठुलो भूमिका खेल्ने गर्दछ । यौन सम्पर्क एउटा राम्रो कसरत हो यौन सम्पर्क गर्दा जोडीले आफ्नो सबै अंगहरुलाई पूर्ण रुपमा चलाउने हुँदा यो एउटा राम्रो शारीरिक कसरत साबित हुन्छ ।

– यौन सम्पर्क प्रोस्टेट क्यान्सरको सम्भावना कम गर्छ

पुरुषलाई महिनामा २१ पटकको पूर्ण यौन सम्पर्कले प्रोस्टेट क्यान्सरको सम्भावना कम गर्ने बताइएको छ ।

– यौन सम्पर्कले टाउको दुखाइ तथा अन्य दर्द कम गर्छ

टाउको दुखाई कम गर्न हामी विभिन्न चक्की खाने गर्छौं तर अनुसन्धानले त्यस्ता दुखाइ चक्कीले भन्दा छिटो र दीर्घकालीन निराकरण यौन सम्पर्कबाट हुने पाइएको छ ।

– यौन सम्पर्कले मानसिक तनाब कम गराउँछ

यौन सम्पर्कको बेला मानिसले चुम्बन गर्ने अंगालो हाल्ने शरीरका विभिन्न अंगमा छुने चलाउने गर्ने भएकाले मानिसले सबै मानिसिक पिडा बिर्सेर आफूलाई यौन सम्पर्कमा नै केन्द्रित गर्छ, जसबाट उसले सबै प्रकारले तनाब भुल्दछ ।

– यौन सम्पर्कले राम्रो निन्द्रा दिलाउँछ

यौन सम्पर्क गरेपछि मानिसले ओक्सितोसिन र प्रोलेक्टिन हार्मोन बढेर जान्छ र आरामको महसुस भई निन्द्रा आउँछ ।