दोरम्बा शैलुङ गाउँपालिका–४ गौश्वाराको खर्शुबथानमा यात्रु बहाक बस झन्डै दुर्घटनामा परेको छ। काठमाडौंबाट गौश्वरातर्फ आएको बस खर्शुबथानको मोडमा सडकबाट झन्डै दुर्घटनामा परेको हो । सावधानीपूर्वक चालकले गाडी चलाएकाले ठूलो दुर्घटना टरेको स्थानीय रोहित मगरले बताए।
बस सडकको डिलबाट खसेको अवस्थामा एक हजार मिटर तल पुग्थ्यो। तर, बस फसेको ठाउँबाट निकालिएको छ । स्थानीयले सो मोडको स्तरउन्नति गर्न माग गरेपनि गाउँपालिकाको ध्यान अझै नपुगेको स्थानीय बासिन्दाले गुनासो गरे ।
