२१ असार २०८० काठमाडौं । नवोदित गायिका शान्ति तामाङले स्वर्गकी परी एल्बम बजारमा ल्याएकी छिन्। बुधबार दिउँसो अर्चना स्याङतानको युट्युब च्यानल मार्फत गायिका शान्ति तामाङले ‘स्वर्गकी परी’ एल्बम सार्वजनिक गरेकी हुन् । नुवाकोट तिर रत्यौली गायिका बनेर गीत गाउँदै हिंड्ने शान्ति तामाङले पहिलो पटक स्वर्गकी परी काँठे लोकदोहोरी गीत बजारमा ल्याएकी हुन् ।
यस गीतमा स्वर जनक लामा र शान्ति तामाङको छ भने अर्चना स्याङतान, स्वस्तिका ओझा, तेजमान तामाङ र इन्द्र तामाङको कुशल अभिनय रहेको छ । एरेन्ज विष्णु तामाङको छ भने लय पनि विष्णु तामाङको नै रहेको छ । शब्द अशोक सापकोटाले कोरेका छन् । भिडियो निर्देशन निरेन श्रेष्ठले गरेको यस दोहोरी गीत भाइरल बन्ने अनुमान गरिएको छ ।निरेन श्रेष्ठ चर्चित भिडियो डाइरेक्टर तथा कोरियो ग्राफर भएकाले उनले निर्देशन गरेका गीतहरु प्राय; बजारमा भाइरल बनेका छन् ।
छायांकनमा राम के.सी सह निर्देशनमा सुभास गौतम सम्पादन राजकुमार मगरको रहेको स्वर्गकी परी एल्बमको बजार ब्यबस्थापन Archana Syangtan YouTube च्यानलले गरेको छ।यस गीतमा गायक जनक लामालाई अलि फरक किसिममा देखिएको छ।
गायक जनक लामाले ढाका टोपीमा ठाँटिएर मस्किदै दोहोरी खेल्न उत्साहित शान्ति तामाङको टिमसँग सवाल जवाफ गरेका छन् । टिपिकल काँठे लोकदोहोरी रहेकाले यस गीतलाई दर्शकले मन पराउने आशा गरिएको छ । हेर्नुहोस् यस्तो छ भिडियो दृश्य:-
