जनयुद्धमा पाँच हजार मारिएकोःप्रचन्ड

नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले युद्धमा तत्कालीन माओवादीले १७ हजार जनता मारेको कुरा सत्य नभइ पाँच हजार मारिएको जिम्मा आफूले लिने बताएका छन्। माघीको अवसरमा टुँडिखेलमा आयोजित विशेष कार्यक्रमलाई सम्बोधन गर्दै प्रचण्डले यस्तो बताएका हुन्।

‘मलाई ताकेर साथीहरुले धेरै कुरा राख्नु भएको छ। ति सबै कुराको जवाफ म दिन सक्दिन तथ्यांक मात्र सच्याउन चाहन्छु। मैले १७ हजार मान्छे मारेर आएको तथ्यांक भन्ने गरिन्छ यो सत्य होइन’, प्रचण्डले भने, ‘सत्य के हो भने हिजोको सामन्ती राजाहरुले १२ हजार मारेका हुन्। मलाई पाँच हजारको जिम्मा दिनुहुन्छ भने म जिम्मा लिन्छु। तर,राजाले मारेको १२ हजारको कुरा नहुने ? राज्यले मारेको पनि मेरै टाउँकोमा हाल्ने गरियो भने यो न्याय संगत हुँदैन।’

प्रचण्डले युद्धमा भएका राम्रा र नराम्रा कामको जिम्मेवारी लिने आफूले लिने पनि प्रष्ट पारे। ‘युद्धको म जिम्मा लिन्छु। त्यहाँ भएका राम्रा र नराम्रा कामको म जिम्मेवार छु। म त्यहाँ भएका कामबाट भाग्ने काम हुँदैन् ‘तर नगरेको काम पनि मलाई नै थुपार्ने काम नगर्नुहोस् भन्ने खबर अन्नपूर्ण पोष्टमा प्रकाशित छ।

newskiran.com

newskiran.com

You May Also Like