गणतान्त्रिक व्यवस्थाको वर्तमान सरकार राष्ट्रघाती……


राष्ट्रवादी सर्वसाधारण नेपालीहरू राष्ट्रिय एकता दिवस एवम् पृथ्वी जयन्ती मनाउन एकजुट भएका दलहरुले गणतान्त्रिक व्यवस्थाको वर्तमान सरकार राष्ट्रघाती भएको आरोप लगाएका छन् ।

२९८ औं पृथ्वी जयन्ती तथा राष्ट्रिय एकता दिवसमा सरकारले बेवास्ता गरेपनि सरकारलाई चुनौती दिंदै देशभर भव्य रुपमा पृथ्वी जयन्ती तथा राष्ट्रिय एकता दिवस भव्य रुपमा उनीहरुले मनाएका हुन् ।

काठमाण्डौ लगायत देशका विभिन्न भागमा विभिन्न राष्ट्रवादी संघ संगठन तथा व्यक्तिहरुले संयुक्त रुपमा तथा एक आपसमा सहकार्य गरी भव्य रुपमा दिवस् मनाएका हुन् भने कतिपयले आ–आफ्नै संगठनको ब्यानरमा मनाउँदै आएका छन् ।

राष्ट्रिय शक्ति नेपालको पहलमा नेपाली काँग्रेस (बि.पि.), विश्व हिन्दू महासंघ, राष्ट्रिय सरोकार मंच नेपाल, बहादुर शाह प्रतिष्ठान तथा नेपाल कम्युनिष्ट समानान्तर लगायतका संघसंगठनले राजधानी काठमाण्डौमा संयुक्त रुपमा पृथ्वी जयन्ती तथा राष्ट्रिय एकता दिवस मनाए।

शान्तिबाटिकामा भेला भई संयुक्त राष्ट्रवादी संगठनका प्रतिनिधिहरू अस्मिता भण्डारी, अभिनाथ योगी, बिकी जंग राणा, केशर बहादुर विष्ट, श्याम केसी, डा. हरिबोल भट्टराई, लगायतद्वारा राष्ट्रनिर्माता पृथ्वी नारायण शाहले राष्ट्र एकीकरणमा पुर्याएको योगदान र बलिदानीबारे चर्चा गरिएको हो ।

राष्ट्रनिर्माणको भूमिकामा पृथ्वी नारायण शाहको योगदानको कदर नगर्ने सरकार व्यवस्थाका संचालकहरूलाई उनीहरुले नेपाल र नेपालीका साझा शत्रुको रुपमा हेरिने भनेका छन्।

कोणसभा गरी चन्द्रसूर्य अंकित राष्ट्रिय झण्डा, पृथ्वी नारायण शाहको तस्बीर अंकित ब्यानर, हिन्दू ॐ ब्यानर, पृथ्वी नारायण शाहका दिव्योपदेश अंकित प्ले कार्ड बोकेर हजारौंको संख्याका सहभागीहरूले संयुक्त रुपमा र्‍याली निकालेका थिए।

पृथ्वी नारायण शाह अमर रहुन, राष्ट्रिय एकता जिन्दावाद, संघीयता चाहिंदैन देश टुक्र्याउन पाईंदैन,देश बेचूवा नेता मुर्दाबाद, राजसंस्था जिन्दावाद जस्ता नारा लगाउँदै सिंहदरबारस्थित पृथ्वी नारायण शाहको शालिकमा पुगेर राष्ट्रनिर्माताको शालिकको परिक्रमा गरेका थिए।

पुष्प गुच्छा, माल्यार्पण तथा श्रद्धासुमन गर्न राष्ट्रवादी संघसंगठनका पदाधिकारी एवं देशभक्त स्वतन्त्र नागरिकहरूले तछाड मछाड गरिरहेको दृश्य पनि देखिन्थ्यो ।त्यसैगरी शिव सेना नेपालले पृथ्वी नारायण शाहको शालिकमा १०८ किलोका माल्यार्पण गरे।

शिवसेनाको तर्फबाट चिरण वीर प्रताप खड्का, सुजाता श्रेष्ठ, गुड्डी शर्मा, गीता लिम्बु, कुमार घिमिरे, बिक्रम पाण्डे, इश्वरी ढकाल, राजेश हटुवाल, सुनिल वैश्य, प्रवीण यादव, रवी केसी लगायतको सहभागिता थिए ।

त्यस्तै,राष्ट्रिय सरोकार मंचका तर्फबाट रघुराज राजभण्डारी, सुशील सिंह (बाबा) सुजन पराजुलीलगायतको उपस्थिति रहेको थियो भने कार्यक्रममा दीर्घराज प्रसाई, शोभा श्रेष्ठ, स्वर्ण विक्रम सिंह, मानव सेवक, सुदर्शन खड्का, मनोज सापकोटा, सागर न्यौपाने आदि संघसंगठनमा आवद्ध एवं स्वतन्त्र नागरिकहरु पनि उपस्थिति थिए।

पर्साका वीरगंजमा पनि विभिन्न राष्ट्रवादी संघसंगठनले एकसाथ पृथ्वी जयन्ती मनाएका थिए ।राष्ट्रवादी शान्ति समुह, राष्ट्रिय नागरिक संघर्ष समिति, राष्ट्रिय सरोकार मंच लगायतले संयुक्त रुपमा जयन्ती भव्य रुपले मनाए ।

जिल्ला प्रहरी कार्यालयस्थित लाल बंगला अगाडीबाट निस्केको बाजागाजा र राष्ट्रिय झण्डासहित सहभागी भएकाहरूले संयुक्त रुपमा र्‍याली निकालेका थिए।नगर परिक्रमा राष्ट्र भक्तिपूर्ण गीत तथा नारा घन्काउँदै घण्टाघरमा पुगेर कोणसभामा परिणत बनेको थियो ।

कोणसभामा राष्ट्रिय सरोकार मंचका केन्द्रिय अध्यक्ष एवं कर्मनिष्ठ अभियन्ता सोम विक्रम सिंह, राष्ट्रवादी नागरिक संघर्ष समितिका अध्यक्ष अब्दुल सतार अंसारी लगायतका वक्ताहरूले राष्ट्रनिर्माता पृथ्वी नारायण शाहले देश निर्माणमा पुर्‍याएको योगदानहरूबारे चर्चा गरेका थिए ।

नेपाल राष्ट्रवाद संघ, नेपाल विद्वत परिषद, देशभक्त राजभक्त समुह लगायतका संघसंगठले पनि पर्साको वीरगंजमा राष्ट्रिय एकता दिवस तथा पृथ्वी जयन्ती भव्यताका साथ मनाए ।

बिराटनगरमा राष्ट्रवादी युवा समुह, विद्वत परिषदले छुट्टछुट्टै पृथ्वी जयन्ती तथा राष्ट्रिय एकता दिवस मनाएका थिए
समय फरक पारेर दुवै समुहले कार्यक्रममा भाग लिएर ऐक्यवद्धता पनि जनाएका थिए ।साझा पार्टीले पनि बिराटनगरमा दिवस मनाएका थिए।

धनगढीमा राष्ट्रिय सरोकार मंचको अगुवाईमा विभिन्न संघ संगठनले सो दिवस अलि फरक तरिकाले मनाएका थिए। पृथ्वी जयन्ती मनाउने कार्यक्रममा धनगढीमा पेनाल्टी सुटआउटमा भाग लिएका फसटबल टिम बिच प्रतिस्पर्धाका कारण २५८ औं पृथ्वी जयन्ती र राष्ट्रिय एकता दिवसको दिन धनगढीमा प्रभात फेरि र पेनाल्टी सुटआउटको फाईनल गेम गरेर मनाइदै छ ।

विशेष दिनमा पृथ्वी जयन्ती र राष्ट्रिय एकता बारे जसले उत्कृष्ट वाककला प्रस्तुत गर्छ , उक्त सहभागीले बिशेष पुरस्कारको पनि व्यबस्था गरिएको छ । विशेष कार्यक्रम राष्ट्रिय सरोकार मञ्च नेपालका ( डव्बु ) रवीन्द्र कार्कीक‍ो संयोजकता र केन्द्रीय उपाध्यक्ष शित्तल प्रताप सिंहको बिशेष अतिथिको रूपमा उपस्थिति हुने बताइएको छ।

पोखरा, कैलाली , दमौली, बारा , सिरहा , रौतहट लगायतका देशैभर पृथ्वी नारायण शाहको जन्मजयन्ती तथा राष्ट्रिय एकता दिवस मनाएका थिए । तनहुँको दमौलीमा राष्ट्रिय सरोकार मञ्च नेपालको तनहुँ जिल्लाका संयोजक उज्वल भट्टराईको संयोजकत्वमा पंचे बाजा सहित नगर परिक्रमा गरेर दिवस मनाइएको थियो ।

त्यस्तै, राप्रपाले पृथ्वी जयन्ती तथा राष्ट्रिय एकता दिवसको अवसर पारेर नेपाल पुलिस क्लवमा चियापान कार्यक्रमको आयोजना गरेको थियो ।पूर्वउपप्रधानमन्त्री तथा राष्ट्रिय प्रजातन्त्र पार्टीका अध्यक्ष कमल थापा माल्यार्पणमा सहभागी बनेका थिए।

राष्ट्रिय शक्ति नेपालको पहलमा नेपाली काँग्रेस (बि.पि.), विश्व हिन्दू महासंघ, राष्ट्रिय सरोकार मंच नेपाल, बहादुर शाह प्रतिष्ठान तथा नेपाल कम्युनिष्ट समानान्तर लगायतका विभिन्न संघसंगठनले राजधानी काठमाण्डौमा संयुक्त रुपमा पृथ्वी जयन्ती तथा राष्ट्रिय एकता दिवस मनाए ।

शान्तिबाटिकामा संयुक्त राष्ट्रवादी संगठनका प्रतिनिधिहरू अस्मिता भण्डारी, अभिनाथ योगी, बिकी जंग राणा, केशर बहादुर विष्ट, श्याम केसी, डा. हरिबोल भट्टराई, लगायतले राष्ट्रनिर्माता पृथ्वी नारायण शाहले राष्ट्र एकीकरणमा पुर्याउनु भएका योगदान र बलिदानीबारे चर्चा गरेर मनाएका थिए ।

newskiran.com

newskiran.com

You May Also Like