रामेछाप नगरपालिका वडा नं ६ होदिलमा भिरबाट लडेर एक शिक्षकको मृत्यु भएको छ । शनिबार दिउँसो अन्दाजी ३ बजेको समयमा जंगलमा बाख्रा चराउन गएका अन्दाजी वर्ष ६१ का पूर्व शिक्षक श्याम कुमार खड्काको भिरबाट लडेर ज्यान गएको हो ।
जनसक्रिय आ. वि. होदिलका पूर्व प्र. अ. समेत रहेका खड्काको भिरखर्क सामुदायिक वनको भिरबाट लडेर ज्यान गएको बताइएको छ।
मृतकको शव भिरबाट निकालेर पोस्टमार्टमका लागि जिल्ला अस्पताल रामेछाप ल्याउने तयारी भइरहेको प्रहरी चौकी रामेछाप डाँडाका असई दिनेश प्रसाद चौँलागाईले बताए ।
