निलकण्ठेश्वर माध्यमिक विद्यालयमा अध्ययनरत पूर्व विद्यार्थीले गरे पूर्व विद्यार्थी समाज तदर्थ समिति गठन

साहित्यिक शहीद कृष्णलाल अधिकारी जन्मेको गाउँमा रहेको श्री निलकण्ठेश्वर माध्यमिक विद्यालयमा अध्ययनरत पूर्व विद्यार्थीहरुले पूर्व विद्यार्थी तदर्थ समिति गठन गरेका छन्। उनीहरुले मंगलबार कोटेश्वरको शान्दार म:म सेन्टरमा पूर्व विद्यार्थी तथा हाल अंग्रेजी विषयविज्ञ गुञ्ज बहादुर श्रेष्ठको उपस्थितिमा सो तदर्थ समिति गठन गरेका हुन । उक्त विद्यालयमा अध्ययनरत सम्पूर्ण पूर्व (भूपू) विद्यार्थीहरुलाई समन्वय गरी वृहत भेला राख्ने योजना पनि गठित समितिको छ । समिति कुनै राजनितिक दलसँग नजोडिने र स्वतन्त्र रहने गठित तदर्थ समिति सदस्य विष्णु आलेले बताए । समितिले मङ्सिर ३० गते शनिबार सनसिटी,जुम क्याफेमा कार्य सम्पादन तथा समिति बिस्तारका लागि वृहत भेला डाकेको छ ।भेला पछि भने समितिले पूर्णता पाउने छ । प्राप्त जानकारी अनुसार गठित समितिको निर्णयले सदस्य शुल्क निर्धारण गर्ने, समिति बिस्तार तथा कार्यसम्पादन गर्ने, छिट्टै वृहत भेला डाक्ने निर्णय गरेको छ ।
गठित तदर्थ समिति सदस्यहरुमा राजन श्रेष्ठ, पूर्ण बस्नेत, अरुण अधिकारी,रिता अधिकारी, सुष्मा अधिकारी,रविन बस्नेत,दिपक श्रेष्ठ, सबिन श्रेष्ठ, लगायतले उपस्थित जनाउनु भएको थियो ।