सहमतिमा अध्यक्ष चुन्न नसकि चुनावी प्रक्रियामा गएको एमालेको वागमती प्रदेश अधिवेशनमा विधुतीय मेसिनबाट मतदान हुँदा कैलाश ढुंगेल अध्यक्ष पदमा भारी मतले निर्वाचित भएका छन् ।उनका प्रतिद्वन्दी कृष्ण दाहाललाई झन्डै ३ सयको भारी मतको अन्तरले पराजित गर्दै ढुंगेल एमाले वागमती प्रदेशको अध्यक्ष पदमा निर्वाचित भएका हुन् ।कैलाश ढुंगेलले ६९६ मत पाएर वागमती प्रदेशको अध्यक्ष बनेका छन् । पराजित कृष्ण दाहालले ४३९ मत मात्र प्राप्त गरेका छन् ।
ओली तथा महेश बस्नेत निकट ढुंगेल विशेषत:ग्रास लेवलका कार्यकर्ताको जनगुनासो सुन्ने र पार्टीको नेतृत्वदायी भूमिकामा निडर र अडिग रहन सक्ने व्यक्तिको रुपमा वागमती प्रदेशका जिल्लाहरुमा परिचित छन् ।
त्यसैगरी उपाध्यक्षमा दावा दोर्जे लामा ६१५ मतसहित निर्वाचित भएका छन् । सचिवमा नवराज सिलवाल प्रतिस्पर्धीभन्दा एक मत बढी ल्याएर विजयी बने । उनले ५६८ र अर्का प्रत्यासी हस्त पण्डितले ५६७ मत प्राप्त गरे ।
उपसचिवमा प्रेम कुमार महर्जन र भक्त कुमारी लामा विजयी भएका छन् । नेतृत्वले सर्वसम्मतिबाट प्रदेश कमिटी चयन गर्ने प्रयास असफल भएपछि (हिजो) शुक्रबार मतदान भएको थियो ।
यो पनि हेर्नुहोस्