काठमाण्डु महानगरपालिकाका मेयर बालेन्द्र साह (बलेन) ले आफ्नी श्रीमती चढेको गाडी चेकजाँचका लागि प्रहरीले रोकेको विषयमा काठमाण्डुका प्रमुख जिल्ला अधिकारी जितेन्द्र बस्नेत सँग कुरा गरेका छन् ।
बालेन पत्नी सवार गाडी कोटेश्वरका नियमिच जेकचाँजका क्रममा केही समय रोकिएको विषयलाई लिएर सामाजिक सञ्जाल भाइरल बनेको थियो ।बालेनको एक फेसबुक आइडी मार्फत मार्फत सिंहदरबार जलाउने धम्की समेत त्यसमा लेखिएको छ । काठमाडौं मेयर बालेनले काठमाडौंका प्रजिअ बस्नेतलाई टेलिफोन गरी बा काठमाण्डु महानगरपालिकाका कुनै पनि गाडी ट्राफिक प्रहरीले रोक्न नमिल्ने समेत जिकिर गरेका थिए ।
बस्नेतले प्रहरीले को कताको नभनी सबैलाई आवश्यक चेकजाँच र सोधपुछ गर्न सक्ने भनेका छन् । थप आक्रोशित हुँदै आफ्नी श्रीमती चढेको गाडी रोक्न नमिल्ने तर्क बालेनले दिए ।उनले भने ‘महानगरको गाडी ट्राफिकले रोक्न मिल्दैन । झन् मेयर र मेयरको परिवार चढेको गाडी त प्रहरीले रोक्नै मिल्दैन’, उनले भने । प्रजिज बस्नेतले के भएको रहेछ बुझेर खबर गर्ने जवाफ दिए ।
। उपत्यका ट्राफिक प्रहरी कार्यालयका प्रवक्ता एसएसपी राजेन्द्रप्रसाद भट्टले सडकमा चेकजाँच हुँदा वा शंका लाग्दा जसको गाडी पनि प्रहरीले रोक्न र सोधपुछ गर्न सक्ने बताए । उनका अनुसा सरकारी बिदाका दिन गाडी चलाउँदा अनुमति लिएको छ कि छैन भनेर सामान्य सोधपुछ मात्र भएको थियो ।
‘गाडीमा को हिंडेको हुन्छ भन्ने प्रहरीलाई थाहा हुँदैन । जुन सुकै ओहोदामा भएको वा ओहोदामा भएकाहरुको परिवारका सदस्य चढेको गाडी जाँच गर्न मिल्दैन भने अरुलाई चाहिं किन गर्ने भन्ने हुन्छ नि’, उनले भने ।
महानगरपालिकाका मेयर बालेन्द्र साह बालेन) पत्नी सबिना काफ्ले सवार गाडी ट्राफिक प्रहरीले चेकजाँचका क्रममा जम्मा ३० देखि ४५ सेकेण्ड मात्र होल्ड गराएको कोटेश्वर ट्राफिक प्रहरी कार्यालयले जनाएको छ ।केही ट्राफिक प्रहरी चिट काटेर आफूलाई एकातर्फ इमान्दारिता पूर्वक काम गरेको देखाउने र अर्कोतर्फ ग्रुप कमिसनको प्रभावमा परेर रातारात सो समूहले आर्थिक चमत्कार समेत गर्ने गरेको पाइएको छ ।आफ्नो स्वैच्छिक वा माथिल्लो निर्देशनमा बहकिदा ट्राफिक प्रहरीको कमजोरी नै पब्लिकले देखाउन के बेर ?
