७ जेठ २०८० रुकुम । रुकुम पश्चिममा नेपाल प्रहरीले ८ नाल भरुवा बन्दुक जंगलमा बेवारिसे राखिएको अबस्थामा बरामद गरेको छ।
जिल्ला प्रहरी कार्यालय रुकुम (पश्चिम) देखि २० किलोमीटर दक्षिण पुर्वमा अवस्थित जिल्ला रुकुम पश्चिम मुसिकोट नगरपालिका वडा नम्बर ८ ओखर धारा भिर सामुदायिक वन भित्र भरुवा बन्दुक लुकाई छिपाई राखेको गोप्य सुचनाको आधारमा उक्त स्थान पुगेर प्रहरी बरामद गरेको हो ।
कार्यालयबाट प्रहरी निरीक्षक धर्मेन्द्र खड्काको कमाण्डमा ११ जनाको टोलीका साथ सोहि स्थानबाट ८ नाल भरुवा बन्दुक नियन्त्रणमा लिईको छ । त्यस्तै अहिले उक्त बन्दुक कसले राखेको भन्ने विषयमा थप अनुसन्धान भईरहेको जिल्ला प्रहरी कार्यालय रुकुम पश्चिमले जानकारी दिएको छ ।
