महालक्ष्मी नगरपालिकामा संक्रमण कम हुँदै


२८ असार २०७७ ललितपुर । महालक्ष्मी नगरपालिका वडा नं ७,८,९ मा कोरोना संक्रमणको त्रासमा रहेको बताउँदै नगरपालिकाले केही दिनदेखि शिल गरेको छ ।शिलसँगै वडा नं ८ लुभूको एकै घरका १० जना मानिसमा कोरोना सङ्क्रमण पुष्टि भएको पाइएको छ। ललितपुरको बल्खुस्थित बयोद्या अस्पतालमा कार्यरत ल्याब टेक्निसियनमा यही असार १७ गते कोरोना सङ्क्रमण पुष्टि भएसँगै उनका परिवारका अन्य सात सदस्यमा पनि कोरोना सल्किएको थियो ।साथै घर भाडामा बस्ने दुई जनामा समेत त्यसको संक्रमण फैलिएको थियो ।

आफू सङ्क्रमित देखिनुअघि नर्सले आमालाई लुभूस्थित स्वस्तिक फार्मेसीमा अन्य रोगको समस्या भएर उपचारका लागि ल्याइएको वडाध्यक्ष विश्वराज श्रेष्ठले बताए। सो फार्मेसीमा कार्यरत श्रेष्ठका दुई छोराले यही असार २१ गते पाटन र टेकुमा गरेको स्वाब परीक्षणमा उनीहरुको रिपोट पोजेटिभ आएको श्रेष्ठले हो ।
उनका नाती र बुहारी भने हाल होम क्वारेन्टाइनमा बसेका छन् भने फार्मेसीमा कार्यरत जेठो छोरा र अर्का चिकित्सक भनिएका कान्छा छोरा सशस्त्र प्रहरी अस्पताल बलम्बुमा उपचारार्थ छन्।
वडामा विदेशबाट फर्किएकी एक महिला, ग्वार्कोको बी एण्ड बी अस्पतालमा उपचारका लागि गएका एक पुरुष र स्थानीय अर्की एक महिला गरी हालसम्म लुभूका १५ जनालाई कोरोना सङ्क्रमण पुष्टि भइसकेको नगर प्रमुख रामेश्वर श्रेष्ठले भनेका छन्।

श्रेष्ठले वडा नं ६ सिद्धिपुरका -३, वडा नं १ मा-१ र वडा नं ४ इमाडोलका -१ गरी अन्य पाँच जनामा कोरोना पोजेटिभ देखिएको साथै नगरपालिकाभित्र हालसम्म कूल २० जना कोरोना पोजेटिभ देखिएको बताएका छन्।”

जिल्ला जनस्वास्थ्य कार्यालय प्रमुख डा.खगेश्वर गेलालका अनुसार लुभूका १२ व्यक्तिमा एकैदिन यही असार २५ गते कोरोना सङ्क्रमण पुष्टि भएको छ । यसैबीच नगरका मेयर रामेश्वर श्रेष्ठद्वारा हस्ताक्षरित सोमबारको ध्यानाकर्षण पत्रमा कोरोना संक्रमितको मनोबल नगिराउन भनिएको छ ।

मेयरको यस्तो छ ध्यानाकर्षण पत्र

newskiran.com

newskiran.com

You May Also Like