शनिबार हातीवनमा आगलागि ,एकको जलेर मृत्यु

शनिबार बिहानै कारखानामा आगलागी हुँदा एक जनाको मृत्यु भएको छ । हातीवनस्थित कृष्ण लोच्छे र भिम लोच्छेले संचालन गरेको सिगम मेटल ईण्डष्ट्रिजमा आज बिहान करीब ६:४५ तिर आगलागी हुँदा सोफामुनि सुतेको अवस्थामा अन्दाजी बर्ष ४५ को राजु ठकुरीको जलेर मृत्यु भएको हो । घटना सथल ललितपुर महानगरपालिका वडा नम्वर-२३ मा पर्छ । बिजुली सर्ट भएर आगलागी भएको अनुमान छ । आगलागि भएर धुवाँको मुस्लो रुमलिएको करीब आधा घन्टा पछि ललितपुर महानगरका तीन वटा दमकल आएर आगलागि नियन्त्रणमा लिएका थिए ।करीब ६ महिना अघि पनि हरिसिद्धिमा विधुत सर्ट भएर आगलागि भएको थियो तर मानवीय क्षति भएको थिएन सो पछिको यरियाको दोस्रो आगलागि घटना शनिबार बिहानै घटेको हो ।