ठमेल, पोखरा र सौराहा सधैँ खोलिने

१२ असोज २०७५-चर्चित पर्यटकीय नगरी ठमेल,पोखरा र सौराहालाई अब देखि चौबिसै घण्टा खोलिने योजना बनेको छ । बिहीबार ठमेल पर्यटन विकास परिषदको ३९ औं पर्यटन दिवसको अवसरमा पर्यटनमन्त्री रविन्द्र अधिकारीले सो कुरा बताए।उनले थपे सन् २०२० देखि २०३० सम्मको एक दशकलाई पर्यटन विकास बर्षको रुपमा मनाइने छ । नेपाल विश्वकै महत्वपूर्ण पर्यटकीय मुलुक हो । त्यसमा पनि ठमेल नेपालको मुख्य पर्यटकीय केन्द्रविन्दु भएकाले यसलाई व्यवस्थित बनाउन सरकारले ध्यान दिएको बताए । त्यस्तै दशै अगावै काठमाडौंको पर्यटकीय स्थल ठमेल लगायत पोखरा र सौराहालाई चौबिसै घण्टा खोल्ने तयारी गरेको मन्त्री अधिकारीले जानकारी दिए । ठमेल पर्यटन विकास परिषदका अध्यक्ष समिर गुरुङले ठमेलमा ५ सयवटा लाइभ क्यामरा जडान गरिने र संसारको जुनसुकै ठाउँबाट ठमेललाई प्रत्यक्ष हेर्न सकिने व्यवस्था गर्न लागिएको जानकारी दिए । त्यस्तै परिषदका सचिव दावा लामाले ठमेल पर्यटकको पहिलो गन्तव्य भएकाले सरकारले महत्वका साथ लिनुपर्ने बताए ।

newskiran.com

newskiran.com

You May Also Like