प्रधानमन्त्री ओली र विप्लवबीच ३ बुँदे सहमति,एकै मञ्चबाट दुबैले सम्बोधन गर्ने


२० फागुन २०७७ काठमाडौं ।नेपाल सरकार र प्रतिबन्धित विप्लव नेतृत्वको नेकपाबीच ३ बुँदे सहमति भएको छ । बुधबार बिहान भएको वार्ता र बेलुकी भएको एजेण्डा वाइज छलफल पछि ३ बुँदे सहमति भएको हो । सहमति अनुसार सरकार र सो समूहबीच राजनीतिक विषयहरुको समाधान संवादको माध्यमबाट गर्ने, विप्लव समूहका सम्पूर्ण राजनीतिक क्रियाकलापहरू शान्तिपूर्ण रुपमा सञ्चालन गर्ने र सरकारका तर्फबाट लगाइएको विप्लव नेतृत्वको प्रतिबन्ध हटाउने, राजनीतिक बन्दीहरुको रिहाइ गर्ने र मुद्दा खारेज गर्ने लगायतका विषयहरु समावेश छन् । सहमतिको विस्तृत विवरण शुक्रबार विशेष समारोहका बीच सार्वजनिक गरिने सरकारका तर्फबाट रामबहादुर थापा विप्लव समूहको तर्फबाट प्रवक्ता प्रकाण्डले जारी गरेको प्रेस नोटमा उल्लेख गरिएको छ । मिलेसम्म शुक्रबारको समारोहमा सरकारका तर्फबाट प्रधानमन्त्री केपी शर्मा ओली र नेकपाका तर्फबाट महासचिव विप्लवले सम्बोधन गर्ने कार्यक्रम पनि तय गरिएको जानकारी गराइएको छ।  

newskiran.com

newskiran.com

You May Also Like