भालेको दाम ३ हजार शिक्षकको तलब ४ हजार


८ कार्तिक २०७७ काठमाडौं ।सुन्दा पनि अचम्म लाग्छ बोर्डिङ स्कुलमा कार्यरत शिक्षक कर्मचारीहरुको तलब ४ हजार हुन्छ भनेर तर ललितपुरमा खोलिएका केही बोर्डिङ्ले शिक्षकलाई ४ हजार माथि तलब दिँदैनन्। एकजना विद्यार्थी सँग वार्षिक ५० देखि १ लाख शुल्क उठाउँदा शिक्षकलाई भने बढीमा ४० देखि ५० हजार बढी दिँदैनन्।यो प्रसङ २०७६-७७ को हो । कोरोना भाइरसका कारण भएको लकडाउन र निषेधाज्ञाले बन्द भएका निजी विद्यालयहरुले अधिकांश आफ्ना कार्यरत शिक्षक कर्मचारीहरुको तलब नदिएपछि यसपालिको विजया दशमी खल्लो हुने भएको छ । गत चैत ११ गतेबाट सुरु भएको लकडाउन अवधि देखि हालसम्म कुनै पनि निजी विद्यालयहरुले पूरा महिनाको तलब नखुवाएको र पेश्की ५,१० हजार खुवाउँदै अनलाइन कक्षा चलाएर बेस्सरी शुल्क भने अशुली सकेको आरोप विभिन्न विद्यार्थी संगठनहरुले लगाएका छन्। तर, शुल्क उठाउने र शिक्षक कर्मचारीहरुलाई तलब नदिने, घरभाडा नतिर्ने र सरकारलाई कर नतिर्ने निजी विद्यालयहरुले उल्टै सरकारले बनाएको शिक्षा ऐन, श्रम ऐन नमानिरहेको अवस्थामा त्यस्ता निजी विद्यालयहरूलाई कार्बाही गर्नुपर्ने आवाज उठ्न थालेको छ । महालक्ष्मी नगरपालिका अन्तर्गत एक निजी विद्यालयमा कार्यरत शिक्षिकाले भनिन्- दशैंमा विद्यालयले जम्मा ४ हजार पेश्की दिएको छ । बजारमा एउटा भालेको २ देखि ३ हजार पर्छ ।यति पैसाले दशैं कसरी मान्ने ?अर्का विद्यालयका एक शिक्षकले भने-छ महिना देखि न कक्षा छ न तलब? कोठामा बसेर पढाएर खान्छु भन्ने शिक्षकको दिन गए। त्यसो त प्याब्सन ऐन प्याब्सन र इष्टुका वरिष्ठ नेताहरुले संचालन गरेका र काम गर्ने विद्यालयमा काम गर्ने शिक्षकले समेत बाहिर बाहिर तलब लिएको दिएको भनेपनि चैतयता १०-२० हजार पेश्की बाहेक लिएका छैनन् ।एकाध निजी भनेनी वा संस्थागत जे भनेनीका विद्यालयहरुले कहिले आन्दोलन र कहिले मिडिया प्रचार बाजीको नारा कहिले सम्म रहने हो हेर्न बाँकि रहेको नाम नभन्ने सर्तमा एक इष्टु नेताले न्युजकिरण डटकम अनलाइन खबरलाई जानकारी दिए ।
त्यसो त चैतयता कोठाभाडा लिएर बस्ने शिक्षकहरुको हरबिजोक भइरहेको छ । भित्र पीडा आत्महत्या हत्या गर्ने सम्मको पुगिसक्यो । कोठाभाडा महिनाको ४ हजार र खाना खर्च ६ हजार जोड्दानी एक शिक्षकले मासिक दश हजार खर्चिन्छन्। सात महिना यता प्रायः शिक्षक कर्मचारीहरुलाई प्रतिव्यक्ति ६० हजार देखि १ लाख ५० हजार ऋण लागेको हुन सक्ने ललितपुर इष्टुका उपाध्यक्ष विष्णु आले बताउँछन् ।
ठुला निजी विद्यालयहरु पनि ललितपुरमै र राजनीतिक नेता पनि ललितपुरमा नै जन्मिने भएता पनि हालसम्म पेशागत हक अधिकारका कुरा गर्दा जिल्लामा औद्योगिक क्षेत्रमा रहेका मजदूरहरु बाहेकका पेशेवर शिक्षक कर्मचारीहरुले अझै जायज सेवासुविधा नपाएको गुनासो बढ्न थालेको छ ।लकडाउन अवधिमा आफ्नो १० ,१२ हजार रिचार्ज कार्ड खर्च गरेर अनलाइन कक्षा लिएर दशैंमा तलब पाइने आशामा रहेका शिक्षक कर्मचारीहरुको बेहालको अवस्था बनाएकोमा त्यसको भागेदारी प्याब्सन र एनप्याब्सन हुन्।

newskiran.com

newskiran.com

You May Also Like