इष्टु ललितपुरले दियो जिल्ला शिक्षामा बराल र महानगरमा मेयर चिरीबाबुलाई ध्यानाकर्षण पत्र


८ साउन २०७७ काठमाडौं । संस्थागत विद्यालय शिक्षक युनियन(इष्टु)ले जिल्ला शिक्षा इकाइ समन्वय समिति प्रमुख ललितपुरका योगेन्द्र बराललाई ध्यानाकर्षण पत्र बुझाएका छन्। विहिबार बिहान ११ बजे ललितपुर इष्टुको पहलमा प्रमुख बराललाई ध्यानाकर्षण पत्र बुझाइएको हो । ध्यानाकर्षण पत्र बुझ्दै प्रमुख बरालले आफूले सम्बन्धित निकायमा पहल गरिदिने बताएका छन्। स्थानीय निकाय मार्फत शैक्षिक गतिविधि चल्ने र एसईई परीक्षा संचालनको काम मात्र यस समन्वय समितिले हेर्ने पनि उनले बताए । ध्यानाकर्षण पत्रमा शिक्षक शिक्षिकाको सबै महिनाको तलब दिनुपर्ने, शिक्षक कर्मचारीहरुलाई निष्काशन गर्ने काम तुरुन्त बन्द गर्नुपर्ने, अन्य विकल्प नहुँदा सम्म बैशाख महिनादेखिको तलब सरकारद्वारा नै व्यहोर्ने वा संचालकलाई दिन निर्देशन जारी गर्नुपर्ने, सम्पूर्ण निजी लगानीमा सञ्चालित विद्यालयहरुलाई योगदानमा आधारित सामाजिक सुरक्षा कोषमा अनिवार्य सुचिकृत हुन बाध्यकारी बन‌ाउनुपर्ने, संस्थागत विद्यालय अनुगमन,वर्गीकरण तथा शुल्क निर्धारण कमिटिमा संस्थागत विद्यालय शिक्षक युनियनलाई अनिवार्य प्रतिनिधित्व गराउनुपर्ने र ललितपुर महानगरपालिकामा भएका सम्पूर्ण संस्थागत विद्यालयमा कार्यरत शिक्षक शिक्षिका हरुको अभिलेखिकरण राख्नुपर्ने माग इष्टुको रहेको लपुजि अध्यक्ष सुरेन्द्र मिश्रले न्युजकिरण डटकम खबरलाई जानकारी दिएका छन् ।

विहिबार नै इष्टुका प्रतिनिधिले ललितपुर महानगरका प्रमुख चिरीबाबु महर्जनलाई पनि ध्यानाकर्षण पत्र बुझाएका छन् । दिँउसो १:३० मा ध्यानाकर्षण बुझाउन गएका उनीहरुलाई करीब ३:३० घन्टा कुराएर महर्जनले पत्र बुझेका छन्। रातो मच्छिन्द्रनाथको रथजात्रा जात्रा बारे भएको मच्छिन्द्रनाथ गुठीको बैठ्कमा आफू व्यस्त भएकाले शिक्षक शिक्षिकाहरुको ध्यानाकर्षण पत्र बुझ्न केही ढिलो भएको उनका स्वकीय सचिवले बताएका थिए ।उनलाई भेटेरै दिन ध्यानाकर्षण पत्र बोकेर इष्टु राष्ट्रिय समितिका अध्यक्ष होमकुमार थापा, उपाध्यक्ष अमल राई, उपाध्यक्ष देवी दत्त पौडेल, उपमहासचिव भवानी पराजुली, सदस्य श्याम केसी, जिल्ला अध्यक्ष सुरेन्द्र मिश्र, उपाध्यक्ष विष्णु आले, सचिव केशव श्रेष्ठ, सहसचिव जनार्दन बराल, होमनाथ रेग्मी लगायतका सदस्यहरु महानगर परिसरमा पुगेका थिए ।मेयर महर्जनलाई भेट्न कुरेका शिक्षक शिक्षिका हरुलाई भेटघाटको समय लम्बिने भएपछि उनीहरुलाई केही बेर चिया खुवाउँदै कुराइएको थियो । अफिस समय घर्किनै लाग्दा मेयरलाई गुठीको बैठ्क स्थलमै पुगेर इष्टुका प्रतिनिधित्व कर्मीले ध्यानाकर्षण पत्र बुझाएका थिए । गुठीको बैठ्क महानगरकै सभाहलमा भएको थियो । पत्र बुझ्दै मेयर महर्जनले ध्यानाकर्षण पत्रको सम्बोधन गरिने जानकारी दिएका थिए ।


संस्थागत विद्यालय शिक्षक युनियन (इष्टु)ले यस अघि सडकबाट ध्यानाकर्षण र्याली प्रदर्शन गरिसकेको छ भने शिक्षा मन्त्रालय र प्याब्सन,एनप्याब्सन,अभिभावकसँग चरणगत वार्ता गरिसकेको छ । इष्टुको पहलमा कतिपय विद्यालयले निस्कासन गरेको शिक्षक शिक्षिका तथा कर्मचारीको काममा पुनर्स्थापना पनि भइरहेको छ ।तलब सेवा सुविधा लगायतका पेशागत मुद्दामा प्याब्सन एनप्याब्सनसँग संगठनले अहिले देशैभर तीब्र सौदाबाजी छलफल गरिरहेको उपाध्यक्ष अमल राईले बताएका छन्।



ललितपुर महानगर पालिकामा विहिबार बुझाइएको ध्यानाकर्षण पत्र:

newskiran.com

newskiran.com

You May Also Like