किन दियो त इष्टुले मानव संशाधनमा धर्ना


७ साउन २०७७ काठमाडौं । गत चैत ११ देखि लकडाउनको समस्या भोगिरहेका संस्थागत विद्यालय शिक्षक युनियन (इष्टु) राष्ट्रिय समितिले बुधबार मानव संसाधन विकास सानोठिमीमा २ घन्टा धर्ना दिएको छ ।धर्ना कार्यक्रममा इआइ तथा इष्टु संरक्षक मुकुन्द गौतमले निजी तथा संस्थागत विद्यालयका शिक्षकहरु यतिबेला अप्ठ्यारोमा परेको बताएका छन्।लकडाउनका कारण कयौं विद्यालय शिक्षकको जागिर जानु र तलब निकासा नहुनुले संस्थाले पेशागत सेवा सुविधा माग्दै संघर्ष गर्नुपरेको बताए । मानब संसाधन प्रमुखले धर्नालाई सम्बोधन गर्दै आफ्नो क्षेत्राधिकारमा परेजतिको सहयोग गर्ने प्रतिबद्धता जाहेर गरेका छन् । त्यस्तै इष्टु राष्ट्रिय समितिका अध्यक्ष होमकुमार थापाले शिक्षक शिक्षिका तलब नपाएपछि र अनलाइन कक्षा बन्द भएपछि कष्टकर बन्दै गएको बताएका छन् । ललितपुरका अध्यक्ष र काठमाडौंको अध्यक्षले पनि धर्नालाई सम्बोधन गरेका थिए । धर्ना कार्यक्रममा सहभागी इआइ सदस्य तथा इष्टु संरक्षक मुकुन्द गौतम, राष्ट्रिय समितिका अध्यक्ष होम कुमार थापा, महासचिव भोला चालिसे, उपाध्यक्ष नारायण पौडेल, उपाध्यक्ष देवी पौडेल, उपमहासचिव भवानी पराजुली, केन्द्रीय सचिव रामकुमार राई लगायत इष्टु काठमाडौं र ललितपुरका पदाधिकारी सदस्यहरुको उल्लेखनीय उपस्थिति रहेको थियो ।

सरकारले जोरबिजोर प्रणाली लागू तथा लकडाउको अन्त्य भएको घोषणा गरेकै दिन गाडी फाट्टफुट्ट चलेकाले उनीहरु केही बाइकमा र केही हिंडेरै धर्ना स्थलमा पुगेका थिए । उनीहरूले अफिसको भित्री ढोकामा धर्ना दिइरहेका बेला अफिस भने चलिरहेको थियो ।धर्नामा उपस्थित शिक्षक शिक्षिकाहरु तलब नपाएर न्यास्रो मुद्रामा चहुरमा कुराकानीमै व्यस्त देखिन्थे । इष्टुले बुधबार मन्त्रालय र विहिबार आ-आफ्नो जिल्ला इकाई समन्वय समितिमा पनि ज्ञापन पत्र बुझाउने कार्यक्रम रहेको अध्यक्ष होमकुमार थापाले न्युजकिरण डटकम अनलाइन खबरलाई जानकारी दिए ।








newskiran.com

newskiran.com

You May Also Like