भदौ १ बाट विद्यार्थी भर्ना, सार्वजनिक बिदा समाप्त साउन ६ गते नै


७ साउन २०७७ काठमाडौं ।सरकारले लकडाउन खुलेसँगै निषेध गरिएको बाहेकका सेवा संचालन गर्न पाउने निणर्य गरेको छ । भदौ १ गतेदेखि विद्यार्थी भर्ना र रोकिएका परीक्षा सञ्चालन गर्न दिने निर्णय गरेको छ । त्रिवि तर्फ दिइएको सार्वजनिक बिदाको अवधि समेत समाप्त भनेको छ ।बिदा सकिएसँगै कर्मचारी अनिवार्य अफिसमा हाजिर नभए गयलमा गणना हुनेछ । सार्वजनिक बिदामा बसेको कर्मचारीको सेवा सुविधा सरकारले दिनेछ । ।सार्वजनिक यातायातमा लामो दुरीका सवारीसाधन साउन साउन ८ बाट चल्न दिने र साउन ७ गतेबाटै जोरबिजोर प्रणाली हटाउनेबारे पनि निर्णय गरेको छ । गत चैत ११ गते सुरु लकडाउन साउन ६ बाट अन्त भएको घोषणा सरकारले गरेको हो । लकडाउन खुला भए पनि केही शिक्षण संस्थाहरू, सिनेमा हल, पार्टी प्यालेस, डान्स बार तथा मनोरञ्जनका क्षेत्र, सैलुन-ब्युटीपार्लर तथा स्पा, स्विमिङ पुल, हेल्थ क्लब, समूहमा खेलिने खेलकुद, सभा/भेला, धार्मिक क्षेत्र, पुस्तकालय, सङ्ग्रहालय तथा चिडियाखाना, अन्तर्राष्ट्रिय नाका भने अझै बन्द नै रहने जनाइएको छ ।

लकडाउन अन्त्य गरे पनि स्वास्थ्यसम्बन्धी मापदण्ड कायमै रहेको र त्यसको पालना गर्न सरकारले आग्रह गरेको छ । स्वास्थ्य मापदण्ड पालना गराउन प्रमुख जिल्ला अधिकारीलाई जिम्मेवारी दिइएको छ । मापदण्ड उल्लंघन गर्नेलाई संक्रामक रोक तथा स्थानीय प्रशासन ऐनअनुसार कारबाही हुने सरकारले जनाएको छ ।

newskiran.com

newskiran.com

You May Also Like