क्रान्तिकारी माओवादी ३ नं प्रदेश र नेवा:ले गर्यो खोकना आन्दोलनलाई सपोर्ट

२१ असार २०७७ काठमाडौं । नेकपा (क्रान्तिकारी माओवादी) ३ नं प्रदेशले असार २० गते शनिबार ललितपुर महानगरपालिका अन्तरगत खोकनाको सिकालीस्थित सिडोलमा आआफ्नो खेतमा धान रोप्न गएका खोकनाबासी नेवाः जनसमुदायमाथि सशस्त्र पुलिसले लाठी चार्ज, टियर ग्याँस र हवाइ फायर गरी दमन गरेका घटनामाथि गम्भिर रुपमा ध्यानाकर्षण भएको जनाएको
छ ।३ नं प्रदेश सेक्रेटरी र नेवाः राष्ट्रिय मुक्ति मोर्चा, नेपालले प्रहरी दमनको घोर निन्दा एंव् भत्सर्ना गर्दै क्षोभ प्रकट गरेको जनाएको हो । घाइतेहरुको यथाशिघ्र निशुल्क उपचार गर्न पनि सरकारसँग माग गरिएको छ । नेपाली भाषामै जारी गरिएको प्रेस वक्तव्यमा प्रहरी दमन भनी विरोध समेत गरिएको हो।

शनिबार नेवाः राष्ट्रिय मुक्ति मोर्चा, नेपालका अध्यक्ष पवनमान श्रेष्ठ र नेकपा क्रान्तिकारी माओवादी ३ नं का सेक्रेटरी सुरेश श्रेष्ठ (प्रवेश)ले जारी गरेको प्रेस वक्तव्यमा नेपालमा सरकार, जग्गा दलाल र सेना मिलेर विश्वव्यापी नियमलाई अवहेलना गरी साँस्कृतिक सम्पदा क्षेत्र र महानगरभित्र फास्टट्रयाक र जेरो प्वाइन्ट बनाउने धृष्टता भइरहेकोप्रति घोर भत्सर्ना गर्दै फास्टट्रयाकको जेरो प्वाइन्ट महानगर बाहिर डुकुछापमा लान जोरदार माग गरिएको छ । “खोकनाको सिकालीस्थित सिडोलमा फास्ट ट्रयाकको जेरो प्वाइन्ट राख्ने गरी बाटोको लागि १०० मिटर र थप फेरि ५० मिटर अधिग्रहण गर्ने गरी बनाएको योजनालाई सरकारले स्वीकृत गरेको छ । उक्त योजनाको डिपीआर तयार भएको भनिएतापनि सार्वजनिक नगरी त्यो गोप्य राखिएका छन् । यसका लगानी कर्ता अझै स्पष्ट छैन । तर,यसलाई राष्ट्रिय गौरवको योजना भन्दै सेनालाई निर्माणको जिम्मा दिइएको छ । आज देशको सीमाना मिचिएको छ तर नेपालको सेनाको धन्दा भनेको ठेक्का पट्टा लिने, जग्गा प्लटिङ गर्ने आदि काम भएको छ । सिडोलमा पनि सेनाले जग्गा प्लटिङको लागि ठुलो मात्रामा जग्गा किनेको स्थिति छ । आज खोकनाको जेरो प्वाइन्ट राख्नुमा विभिन्न खाले जग्गा दलालहरुको मिलोमतो भएको स्पष्ट छ ।”

“खोकनामा जेरो प्वाइन्ट बनाउँदा बुंगमती र खोकनाको खेती योग्य थुप्रै जमीनको नास हुनेछ । यसले खोकना र बुंगमतीको साँस्कृतिक सम्पदा विनास गर्नेछ र जनताले कौडीको भाउमा जमीन दिनु पर्ने तर तिनले त्यस वापत केही फाइदा नपाउने मात्र होइन, उक्त स्थानबाट विस्थापित भई आफ्नो भन्ने सबै गुमाउनु पर्ने अवस्था छ । विकास निर्माणको नाममा यो आयोजना वास्तवमा नेवाः जातिको हत्या गर्ने योजना हो । अर्को कुरा साँस्कृतिक सम्पदा भएका ठाउँहरुबाट र महानगर भित्र विश्वमै कहिं पनि फास्ट ट्रयाक र यसको जेरो प्वाइन्ट बनाइँदैन, यो विश्वव्यापी नियम हो । तर नेपालमा सरकार, जग्गा दलाल र सेना मिलेर विश्वव्यापी नियमलाई अवहेलना गरी साँस्कृतिक सम्पदा क्षेत्र र महानगर भित्र फास्टट्रयाक र जेरो प्वाइन्ट बनाउने धृष्टता हुँदैछ । यसको नेकपा ( क्रान्तिकारी माओवादी) र नेवाः राष्ट्रिय मुक्ति मोर्चा, नेपाः घोर भत्सर्ना गर्दै फास्टट्रयाकको जेरो प्वाइन्ट महानगर बाहिर डुकुछापमा लान जोरदार माग गर्दछ ।”

newskiran.com

newskiran.com

You May Also Like