कोरोना लाष्ट अपडेट ११,४३३को मृत्यु


चीनको वुहान सहरबाट फैलिएर विश्वका १८५ देशमा महामारीको रुप लिएको कोरोनाभाइरस (कोभिड-१९) को संक्रमणबाट शनिबार दिउँसोसम्म ११ हजार ४२३ जनाको मृत्यु भएको छ ।

अन्तर्राष्ट्रिय सञ्चारमाध्यमका अनुसार हालसम्म दुई लाख ७७ हजार ९५ जनामा संक्रमण देखिएकोमा ९१ हजार ९८६ जना निको भई अस्पतालबाट घर फर्किएका छन् । अझै विश्वभर एक लाख ७३ हजार ६४६ जना संक्रमितको उपचार जारी छ । जसमध्ये ७९१४ जनाको अवस्था जटिल रहेको छ ।

शनिबार दिउँसोसम्म चीनमा यो भाइरसका कारण ज्यान गुमाउनेको संख्या ३२५५ पुगेको छ भने नयाँ संक्रमितको संख्या ४१ रहेको छ । चीनमा नयाँ मृत्यु हुनेको संख्या ७ रहेको छ ।

चीनपछि इटालीमा ४०३२ जनाको ज्यान गएको छ । इटालीमा ४७ हजार २१ जना संक्रमित भएका छन् । इटालीमा नयाँ मृत्यु हुनेको संख्यामात्रै ४०३२ पुगेको छ । ५९८६ नयाँ संक्रमित थपिएका छन् ।

यस्तै, स्पेनमा २१ हजार ५७१ व्यक्ति संक्रमित छन् भने हालसम्म १०९३ जनाले ज्यान गुमाएका छन् । नयाँ संक्रमितमात्रै ३४३३ पुगेको छ ।

इरानमा १९ हजार ६६४ जना संक्रमित भएकोमा १४३३ जनाले ज्यान गुमाएका छन् । नयाँ संक्रमित १२३७ छन् । इरानमा शुक्रबार १४९ जनाले ज्यान गुमाएका छन् । अमेरिकामा १९ हजार ७७४ व्यक्ति कोरोनाबाट संक्रमित छन् भने २७५ जनाले ज्यान गुमाएका छन् । अमेरिकामा शुक्रबार ५५ जनाको ज्यान गएको थियो भने ५७८६ जना नयाँ संक्रमित थपिएका थिए । शनिबार १९ जनाको मृत्यु भएको छ ।

फ्रान्समा १२ हजार ६१२ जना प्रभावित रहेकोमा ४५० जनाले ज्यान गुमाएका छन् । नयाँ मृत्यु हुनेको संख्या ७८ पुगेको छ । दक्षिण कोरियामा ८७९९ जना कोरोनाबाट प्रभावित छन् भने १०२ जनाको मृत्यु भएको छ ।

यस्तै, जर्मनीमा १९ हजार ८४८ संक्रमित छन् भने ६८ जनाको मृत्यु भएको छ । जर्मनीमा शुक्रबारमात्रै ४५२८ नयाँ संक्रमित थपिएका छन् । नयाँ मृत्यु हुनेको संख्या २४ पुगेको छ ।

यसैगरी, बेलायतमा ३९८३ व्यक्ति संक्रमित भएकोमा १७७ जनाको मृत्यु भएको छ । बेलायतमा शुक्रबारमात्रै ३३ जनाको मृत्यु भएको छ । नेदरल्याण्ड्समा २९९४ संक्रमित भएकोमा १०६ जनाको मृत्यु भएको छ । जसमा शुक्रबार ३० जनाको मृत्यु भएको छ । ५३४ नयाँ संक्रमित थपिएका छन् ।

स्वीट्जरल्याण्डमा ५६१५ संक्रमित छन् भने ५६ जनाको ज्यान गएको छ । १३९३ नयाँ संक्रमित थपिएका छन् । जापानमा १००७ संक्रमित छन् भने ३५ जनाको कोरोना भाइरसको संक्रमणबाट मृत्यु भएको छ । भाग्यवश नेपालमा भने यस महामारीको संक्रमण कसैमा देखिएको छैन् ।

यो पनि पढ्नुहोस्

प्रहरीको साईबर ब्यूरोले सामाजिक सञ्जाल फेसबूक लगायतमार्फत नेपालमा कोरोना भएको भन्दै भ्रम फैलाउने एक युवक प्रकाउ गरेको छ।।

प्रहरीका अनुसार पक्राउ पर्नेमा रामछाप घर भइ भक्तपुर बस्दै आएका २० वर्षीय विवेक थापामगर हुन् ।
उनले मोबाइलमार्फत भ्रमपूर्ण कुराहरु रेकर्ड गरी तयार पारेको अडियो सामाजिक सञ्जालमा शेयर गरेको प्रमाण भेटिएको छ ।

newskiran.com

newskiran.com

You May Also Like