०७६ को एसईईमा ललितपुरबाट ९,८३५ परीक्षार्थीले परीक्षा दिंदै,


२०७६ को एसईई परीक्षामा ललितपुरबाट ९,८३५ जना परीक्षार्थी सहभागी हुदैंछन्।जिल्लामा रहेका सरकारी र निजी तथा अन्य विद्यालयहरु गरी जम्मा २९५ विद्यालयका विद्यार्थीहरुले ३४ वटा परीक्षा केन्द्रबाट परीक्षा दिंदैछन्।जिल्लामा एसईई दिने १ जना मात्र परीक्षार्थी सरस्वती विद्यास्रम मा वि का रहेका छन् भने ५१२ जना परीक्षार्थी एल ए स्कुलबाट सहभागी हुँदैछन्।संख्यात्मक हिसाबले हेर्दा न्युलाईफ इङ्लिस् स्कुलबाट २,चिल्ड्रेन प्याराडाइज मा वि पुल्चोकबाट २ जना परीक्षार्थी मात्र सहभागी रहेका छन्।

शिक्षा विकास तथा समन्वय इकाई प्रमुख ललितपुरका योगेन्द्र बरालका अनुसार गत साल तेत्तीस परीक्षा केन्द्र थियो यसपाली जेम्स क र ख गर्नाले एक थपिएको छ।यसपालिका परीक्षा केन्द्रहरुमा आदर्श विद्या मन्दिर जावलाखेल, आदर्श कन्या मंगलबजार ,महांकाल मावि गोटिखेल,महेन्द्र आदेश मा वि इमाडोल,महेन्द्र भृकुटी एकान्तकुना,बज्रबाराही मा वि चापागाउँ,बालबिनोद मा वि नटोल,बालकुमारी मा वि सुनाकोठी,महेन्द्र आदर्श विद्याश्रम मा वि, नाइटिङ्गेल स्कुल कुपन्डोल,प्रभात मा वि त्यागल,वाणीबिलास मा वि चापागाउँ,त्रिपद्य मा वि, वुद्ध मा वि बाँडेगाउँ रहेका छन्।

त्यसैगरी,वाघ भैरव मा वि चौघरे,काली देवी मा वि प्युटार,रुद्रायणी मा वि खोकना,सरस्वती मा वि ठेचो,गम्भीर समुन्द्र सेतु मा वि,जेम्स स्कुल क,जेम्स स्कुल ख,श्रमिकशान्ति च्यासल, श्री शान्ति विद्याश्रम मा वि,टिका विद्याश्रम मा वि एकान्तकुना ,हरिसिद्धि मा वि,आइडियल मोडल स्कुल,किटिनी मा वि, श्री कृष्ण मा वि, श्री पद्य विद्याश्रम मा वि, महालक्ष्मी मा वि लुभु,लुभु साधारण मा वि, यसोधारा मा वि लगायत रहेका छन्।अघिल्लो वर्ष ७५ सामुदायिक र २१३ संस्थागत विद्यालयका ३३ परीक्षा केन्द्रका ९,९३४ परीक्षार्थीले परीक्षा दिएका थिए।देशभरबाट ४ लाख पचहत्तर हजार ३ जना परीक्षार्थीले एसईई परीक्षा दिएका थिए।

यो पनि पढ्नुहोस्

४ लाख ८२ हजारले दिदैछन् एसईई

चैत ६ गतेदेखि सुरु हुने माध्यमिक शिक्षा परीक्षा (एसईई) मा ४ लाख ८२ हजार २ सय १९ परीक्षार्थी सहभागी हुने भएका छन् । नियमित (साधारण) तर्फ ४ लाख ५६ हजार ३ सय २९ र प्राविधिकतर्फ ९ हजार ५ सय ९ परीक्षार्थी रहेको परीक्षा बोर्डले जनाएको छ ।

ग्रेड वृद्धिअन्तर्गत साधारणतर्फ १६ हजार २ सय ४२ र प्राविधिकतर्फ १ सय ३९ परीक्षार्थी सहभागी हुनेछन् । सबैभन्दा बढी परीक्षार्थी बागमतीबाट १ लाख ३ हजार ६ सय ६७ र थोरै कर्णाली प्रदेशबाट ३६ हजार ४ सय ३६ सहभागी हुनेछन् । परीक्षाका लागि १ हजार ९ सय ९४ केन्द्र कायम गरिएको छ ।

यसैबीच, शिक्षा मन्त्री गिरीराजमणि पोखरेलले तीनै तहका सरकार मिलेर यही चैत्र ६ गतेदेखि एसईई परीक्षा गराउने तयारी गरिरहेको बताएका छन् । त्यसका लागि १९९५ परीक्षा केन्द्र तय गरिएका छन् । परीक्षा केन्द्रहरूमा प्राथमिक उपचार केन्द्र राख्ने शिक्षा, विज्ञान तथा प्रविधि मन्त्रालय र स्वास्थ्य तथा जनसंख्या मन्त्रालयबीच मन्त्रिस्तरमा निर्णय भएको छ ।

निजी, गैरसरकारी, सामुदायिक स्वास्थ्य संस्थाहरूबाट पनि स्वास्थ्य स्वयंसेवक परिचालन गर्न मन्त्रालय लागिरहेको छ । परीक्षार्थीहरूले अहिले सेल्फ र होम क्वारेन्टाइनमा बसेर आफ्नो पठनपाठन अगाडि बढाउनुपर्ने, नियमित हात धुने, मास्क प्रयोग गर्ने, संक्रमणको लक्षण देखिएकाबाट दूरीमा बस्ने, स्वास्थ्य मन्त्रालयबाट जारी हुने निर्देशनहरूको नियमित पालना गर्नेजस्ता सावधानी अपनाउने र नडराई आफ्नो अध्ययन जारी राख्नुपर्ने लगायतका सुझाब उनले दिएका छन् ।

एसईई परीक्षा केन्द्रमा हिमालमा १५०, पहाडमा २५० र तराईमा ३०० सम्म परीक्षार्थी राख्ने मापदण्ड भएता पनि कोठाहरूको उपलब्धता हेरी यथासम्भव पातलो संख्यामा परीक्षार्थी राख्ने, छुटै अइसोलेसन कक्षको व्यवस्थापन गर्ने, परीक्षाकेन्द्र बाहिर अनावश्यक भीड नगर्ने, सकेसम्म स्कुलबसहरू तत्कालका लागि प्रयोग नगर्ने र गर्नुपर्ने बाध्यता भएमा त्यसमा पालना गर्नुपर्ने आचारसंहिता बनाउने र सीडीओको नेतृत्वमा रहेको जिल्ला एसईई सुरक्षा समितिमा स्वास्थ्यको प्रतिनिधि पनि आमन्त्रण गरेर स्थानीय परिस्थितिको आकलन गर्नेजस्ता कार्य गर्नुपर्ने उनको सुझाब छ ।


newskiran.com

newskiran.com

You May Also Like