सरस्वती पूजा र यसको महिमागान

हरेक वर्ष माघ शुक्लपञ्चमीका दिन मनाइने श्रीपञ्चमी विद्याकी अधिष्ठात्रीदेवी सरस्वतीको पूजाराधना गरी आज देशभर मनाइन्छ ।सरस्वतीको पूजा गरेमा विद्या बुद्धि बढ्ने विश्वास हुनाले देशभरका सरस्वती मन्दिर तथा विद्यालय प्राङ्गणमा सरस्वतीको पुजा आराधना गर्न श्रद्धालुको भीड लाग्ने गर्दछ ।

सरस्वती पुजा दिन निशुल्क भर्ना यसरी गरिन्छ।
तस्बीर क्लीक/न्युज किरण डटकम

विद्यालय नपठाइएका साना बालबालिकालाई आजकै दिनदेखि अक्षरारम्भ गराउने चलन छ । आजका दिन देश भरका बोर्डिङ्ग स्कुलले भर्ना निशुल्क गरेको प्याब्सनका एक सदस्यले न्युजकिरण डटकमलाई जानकारी दिए।सरस्वतीको पुजा गरेर लेखपढ गर्न सिकाए राम्रो विद्या आउने जनविश्वास पनि रहेको छ ।

सरस्वती मया दृष्टा वीणा पुस्तक धारिणी,
हंश वाहनं संयुक्त विद्या दानं करोतुमे।

सरस्वतीलाई विभिन्न रुपमा चिन्न सकिन्छ।नामाकरण पनि यी देवीको थरिथरि कै छन्।रुपको बर्णन् यस्तो छः
चन्द्रमाजस्तो गोरो वर्ण भएकी तथा हातमा वीणा र पुस्तक लिएकी विद्याकी देवी सरस्वतीलाई भक्तजनले भारती, शारदा, हंसबाहिनी, जगन्माता, बागीश्वरी, कौमारी, वरदायिनी, बुद्धिधात्री, ब्रह्मचारिणी, चन्द्रघण्टा र भुवनेश्वरी।

विद्या र सिर्जनाकी देवी सरस्वतीलाई विशेष गरी साहित्यकार, कलाकार, पत्रकार, शिक्षक र विद्यार्थीहरुले आआफ्ना कला–साधनाका वस्तु कलम, कापी, कुची र वाद्ययन्त्र आदिलाई सरस्वतीका रूपमा पूजाराधना गर्छन् भने तान्त्रिकहरू तन्त्र सिद्धिका लागि तारादेवीका रूपमा आराधना पनि गर्दछन् ।


आजबाट सूर्य उत्तरतिर लागी दिन लामो हुने र वसन्त ऋतु प्रारम्भ हुने विश्वासका साथ‘वसन्तपञ्चमी’ चाडको रुपमा पनि मानिन्छ ।प्राकृतिक रुपमै वातावरण रमाइलो र ढकमक्क हुन्छ ।

ऋग्वेदमा वाग्देवीका नामले प्रसिद्धि पाएकी ब्रह्माकी अर्धाङ्गिनी ब्रह्मायणीको पूजोपासनाले सबै प्रकारको ज्ञान, सिद्धि र सद्बुद्धि प्राप्त हुने भएकाले सरस्वती पूजाको ठूलो महत्व छ । ‘गान्धर्व पुराण’मा आजका दिन सरस्वतीको पूजा गरी विद्यारम्भ गरेमा सर्वसिद्धि प्राप्त हुन्छ भन्ने उल्लेख छ ।

आजका दिन विवाह, व्रतबन्ध, गुफा राख्ने र बेलविवाह जस्ता सामाजिक तथा धार्मिक कार्य गर्न साइत हेर्नुपर्दैन् भन्ने विश्वास छ ।बालबालिकालाई शिक्षारम्भका साथै नाक–कान छेडिदिने पनि आजै गरिन्छ ।

उपत्यकाका स्वयम्भू, मैतीदेवी र गैरीधारास्थित नीलसरस्वती, ललितपुरको लेलेलगायत अन्य जिल्लामा रहेका सरस्वतीका मन्दिरमा आज बिहानैदेखि पूजाआजा गर्न भक्तजन, खासगरी छात्रछात्राको घुइँचो लाग्छ । सरस्वतीलाई चढाइएको सात गेडा अक्षता दाँतले नछोइ निलेमा विद्या र बुद्धि स्फुरण भई विद्यादेवीबाट चेतनाको ज्योति पाइन्छ भन्ने धार्मिक विश्वास छ ।

वसन्त श्रवण
यस अवसरमा हनुमानढोका दरबारको नासल चोकमा राष्ट्राध्यक्षले वसन्त श्रवण गर्ने चलन छ ।
बिहीबार बिहान ९ : ०५ मिनेटको साइतमा राष्ट्रपति विद्यादेवी भण्डारीले वसन्त श्रवण गर्ने कार्यक्रम रहेको हनुमानढोका दरबार हेरचाह अड्डाका मिठाराम पुडासैनीले जानकारी दिएका छन्।
वसन्त श्रवणको साइत भने नेपाल पञ्चाङ्ग निर्णायक समितिले उपलब्ध गराएको उनले जानकारी दिए ।

newskiran.com

newskiran.com

You May Also Like