मकर संक्रान्तिमा देउवाले दिए शुभकामना सन्देश

नेपाली काँग्रेसका सभापति शेर बहादुर देउवाले मकर संक्रान्ति एवम् माघेसंक्रान्तिलाई विभिन्न जातिहरुले मनाउने पर्व भनी शुभकामना सन्देश दिएका छन्। देउवाले दिएको सन्देशको अंश
जस्ताको तस्तै:

सभापति देउवाको शुभकामना सन्देश

माघ १ गते ‘मकर संक्रान्ति÷माघे संक्रान्ति’ लाई नेपालका विभिन्न जातजातिहरुले विशेष पर्वका रुपमा मनाउँदै आएका छन् । नेपाल प्राचीन कालदेखि विभिन्न जात, जातिहरुको बसोबासको संगम स्थल हो । त्यसैले यहाँ विभिन्न भाषा, विभिन्न धर्म, विभिन्न संस्कृति र चाँडपर्वहरुको आफ्नो बेग्लै विशेषता छ र एकले अर्काको यी हरेक विषयलाई आदर र सम्मान गर्ने हाम्रो आफ्नै विशिष्ट परम्परा छ ।

भौगोलिक, जातीय र सांस्कृतिक विविधतामा रहेको नेपालमा मनाइने यो पर्व— आफ्ना धर्म, संस्कृति, रीतिरिवाज र परम्पराको संरक्षणमा लाग्न सबैलाई प्रेरित गर्दै सामाजिक सद्भावना वढाउने काममा कोशेढुंगा सावित भएको छ । यो पर्वले सबैको घरपरिवारमा सुख, शान्ति र समृद्धिको वातावरण सिर्जना गर्दै सामाजिक सद्भाव अभिबृद्धि गर्न सबैलाई प्रेरित गर्न सकोस् भन्ने शुभकामना दिन चाहन्छु ।
जय नेपाल ।

शेरबहादुर देउवा
सभापति

newskiran.com

newskiran.com

You May Also Like