थारु संस्कृतिलाई अघि बढाउन सबै एकजुट

राम अवतार चौधरी

शिवराज नगरपालिकासँगै जोडिएको थारु समुदायलाई अगाडि बढाउन सबै एकजुट हुनुपर्छ नगर उपप्रमुख शिवकुमारी थारुले बताएकी छन्।


भगवानपुर गाउँ समाज समितिको आयोजनामा सोमबार देखि सुरु भएको महोत्सवमा थारुले यस्तो बताएकी हुन्।

थारु समुदायको हकहित र अधिकार लगायतको समग्र विकासका लागि थारु संस्कृति देशको गहना भएकाले संरक्षण, सम्बर्द्धन, र प्रबर्द्धन गर्नको लागि सबै नेपाली एकजट भइ लाग्नु पर्ने बताएकी छन्। महोत्सवमा थारु संग्रहालयको रूपमा राखिएका थारु पुर्खाैली सामाग्रीलाई नाम सहित राखिएकोमा खुसी व्यक्त गरे।

नेपाल भ्रमण बर्ष २०२० चल्दै गर्दा थारु समुदायको भेषभुषा, अहिरन पहिरन, लवाई खवाई र गर(गहना लगायतको संस्कृतिले स्वादेशी तथा विदेशी पर्यटकहरूलाई आकर्षण गर्ने गरेको उनले बताए । अब भने थारु पर्खाैली सामाग्रीलाई यसरी मेलामा देखावटीको रुपमा मात्रै नभएर थारु इतिहास नै रचने गरि कपिलवस्तुको शिवराज नगरपालिका वडा नं.१ उमरी डाँडामा थारु संग्रहालय यहि बर्ष बन्ने भवनमा नै थारुपन झल्किने विश्वास व्यक्त गरिएको छ ।

माघी पर्वको अवसरमा थारु समुदायले यस्ता कार्यक्रम आयोजना गरेकाले समुदायमा एकजुट हुने उल्लेखनीय भूमिका खेल्नुका साथै हाम्रो समुदायमा रहेका पुराना गरगहना लगायत पोशाकलाई समेत शोभायमान र थारुहरूको पहिचान झल्काउन सजावत एवम् संरक्षण गर्न उमरी गुफाको परिसरमा बन्ने थारु म्युजियमलाई नमुनामय बनाउनको लागि सो सामाग्रीलाई सुरक्षित राख्न आग्राह समेत उपप्रमुख थारुले आग्रह गरे ।

“हम्मन संस्कृति हम्मनके सान, धर्तिपुत्र थारु हमरे बचाई अपन पहिचान“ भन्ने मुल नारा सहित यहि पुस २८ गते देखि सञ्चालन भएको महोत्सव माघ १ गते सम्म चल्ने आयोजकले जनाएको छ ।

उक्त महोत्सवमा रमेश थारुको संयोकत्व, शिवराज नगर उप(प्रमुख शिवकुमारी थारुको प्रमुख आतिथ्यता, थारु कल्याणकारी सभाका केन्द्रीय सदस्य सुमित्रा थारु, जंजिर प्रसाद थारु, थाकस कपिलवस्तु जिल्ला सभापति उमाशंकर थारु, थाकस शिवराज नगर अध्यक्ष इन्द्रबहादुर थारु, चन्दौटा व्यापार संघ कपिलवस्तुका अध्यक्ष महादेव पोख्रेल लगायतको आतिथ्यता, स्थानीयहरूको उल्लेखनीय सहभागीता रहेको थियो ।

newskiran.com

newskiran.com

You May Also Like