बालबालिकाले ललितपुरमा नगर सभामा सदस्य लिदै

केही महिना अघि ललितपुर जिल्लामा बालबालिकालाई राजनीतिक कार्यक्रममा सहभागि गराउन नपाउने गरी निजी विद्यालयमा सूचना सम्प्रेषण गरिएको थियो।तर, त्यसको वर्ष दिन पनि बित्न नपाउँदै स्मार्ट सिटिको विज्ञापन गर्दै ललितपुर महा नगरपालिकाले नगर बाल सभा शुक्रबार गठन गरेको छ।

स्मार्ट सिटी बनाउने ध्येयकासाथ अगाडि बढि रहेको ललितपुर महानगरपालिकाले प्रथम नमूना बाल नगरसभा आयोजना गरेको छ । ‘सुनिश्चित बाल अधिकार:समृद्ध नेपालको आधार’ भन्ने नाराका साथ भदौ २७ मा गते शुक्रबारबाट सुरु भएको प्रथम नमूना बाल नगरसभा भदौ २९ गते सम्पन्न हुँदैछ ।

बालबालिकालाई स्थानीय सरकारको संरचना, त्यहाँ हुने गतिविधिहरु र नगरसभाको प्रक्रियाबारे जानकारी दिन प्रथम नमूना बाल नगरसभा आयोजना गरिएको सामाजिक विकास समितिका संयोजक एवं ललितपुर महानगरपालिका वडा नं. २४ का अध्यक्ष दिनेश काकीले वताए ।

शुक्रबार प्रथम नमूना बाल नगरसभा कार्यक्रमको उद्घाटन समारोहमा मन्तव्य राख्दै सामाजिक विकास समितिका संयोजक दिनेश कार्कीले भने, ‘यो कार्यक्रमले बालबालिकालाई स्थानीय तह र स्थानीय तहले गर्ने कामका बारेमा सहज तरिकाले बुझाउन सहयोग गर्ने छ ।’ कार्कीले स्थानीय तह नागरिकको नजिकको सरकार भएको बताउँदै भने, ‘यसको संचालनका बारेमा बालबालिका जानकार हुनुपर्छ । बालबालिकालाई यस विषयमा पर्याप्त जानकारी दिँदा उनीहरुको ज्ञानको दायरा फराकिलो हुन्छ । यसबाट उनीहरुको अध्ययनलाई समेत सहयोग पुग्दछ ।’
विधायन समितिका संयोजक तथा वडा नं. ३ का अध्यक्ष श्रीगोपाल महर्जनले बालबालिकालाई समाज, राज्य , र सरकार सञ्चालनको तरिका बुझाउन यस्ता कार्यक्रम अत्यावश्यक भएको बताए । उनले बालबालिकालाई स्थानीय , प्रदेश र केन्द्रीय सरकार सञ्चालनका प्रक्रिया बुझाएका थिए । स्थानीय तहमा दुई पटक नगर सभा हुने बताउँदै उनले भने, ‘पुसमा हुने नगरसभाले कानुन निर्माण गर्ने र असारमा हुने नगरसभाले बजेट तर्जुमा गर्ने व्यवस्था छ ।’ कार्यक्रममा सहभागी भएका बालबालिका स्थानीय सरकार सञ्चालनको प्रक्रिया र तरिका बारे ध्यानपूर्वक सुनिरहेका थिए ।
राष्ट्रिय बालदिवस २०७६ को अवसरमा महानगरले शुक्रवारदेखि उक्त कार्यक्रम सुरु गरेको हो । प्रत्येक वर्ष भदौं २९ गते राष्ट्रिय बाल दिवस मनाइन्छ ।
कार्यक्रममा प्रत्येक वडाबाट दुईजना र नगरस्तरीय बाल क्लब सञ्जालबाट गरी ७० जना बालबालिका सहभागी रहेका छन् । २९ वडा रहेको महानगरको प्रत्येक वडाबाट २ जना बालबालिका सहभागी भएको ललितपुर महानगरपालिका समाज कल्याण महाशाखा प्रमुख बाबुराज महर्जनले बताए । बाल दिवस नयाँ कार्यक्रमहरु गरेर वालवालिकाहरुको सृजनात्मक र रचनात्मक क्षमता अभिबृद्धि गर्नका लागि महानगरले यस्तो कार्यक्रम आयोजना गरेको हो । उक्त कार्यक्रमका लागि विभिन्न १३ वटा संघसंस्थाले समन्वय, सहकार्य तथा सहयोग गरेका छन् ।

newskiran.com

newskiran.com

You May Also Like